எருதின் நோய்

வெய்யில் காலங்களில்

வீட்டுக்கு வருபவர்கள்

ஏசி இல்லையா எனும்போதும்

வேலை கிடைத்தவன்

இன்னுமா இண்ட்டர்வியூக்கு எல்லாம் போறே எனும்போதும்

கார், பைக் வைத்திருப்பவன்

எப்படித்தான் பஸ்லே போறியோ

எனும்போதும்

பழகிப்போய்விட்டது

மெளனமாய் இருக்கவும்

புன்னகைக்கவும்

எனினும்
புன்னகைக்கவோ

பேச்சை மாற்றவோ

கடினமாகத்தான் இருக்கிறது

திருமணப் பத்திரிக்கை வைக்க வந்தவன்
எட்டு வருசமா இதையேதான் சொல்ற

இன்னுமா உனக்கு பொண்ணு தேடுறாங்க

எனும்போது மட்டும்.

-மணிபாரதி துறையூர்